گرچی پدف و بيلگیسايارا يوكلهنهبيلر كيتاب موطلقا اؤز كيتابين يئرينی وئرمز؛ آنجاق توركچه* تاپديغيم سيتهلرين آدرئسلرينی كيتاپ آختارانلارلا پايلاشاليم دئيه، بير شئیلر يازديم.
۱. آيراج: توركچه كيتاب سونان ان قديمی وئبلاق-سيتهلرين بيری. سيخ-سيخ گونجللهشن بو سيتهده، ايستهدیيينز كيتابی ائنديرهبيلمهيه اويه اولماق گركمير. هم تورك هم باتی يازارلارینين كيتابلاری، اورهان پاموكدان كافكايا، عزيز نسيندن فوكويامايا، بو سيتهده بولونماقدا. (”الوداع گولساری” و “تدك بؤيوك توركچه سؤزلويو” يازیلاری اوردان گؤتورموشم.)
۲.ای-كيتاب: اوستدهكی ايضاح، بير ده بو كی، اويه اولماق گركير. آيراجدا تاپانماديغينيز كيتابی بو سيتهده آختارين.
۳.كيتابسئونلر: سايجا كيتابی چوخ اولان، آنجاق نئجهلیيی آيراج و ای-كيتابا گؤره دوشوك اولان بير سيته. بوردا درس كيتابلاری، هم ده درگی و باشقا تورلو كيتابلار تاپابيلرسينيز. اكلهييم كی اويه اولماق دا گركير.
*توركچه: خوش گؤروشلرله قارشیلاشان بير پوستدا، ايندن بئله توركييه توركجهسينی “توركچه” يازاغين دئيه اؤنرميشديم. خاطيرلاديم كی، توركييه توركجهسينده اونسوزلر اويومونا گؤره “ك” سسينه بيتن سؤزجوكلر تونسوز اولدوغونا گؤره اكلرين “ج” شكيلليسی دئييل، “چ” شكيلليسی اكلهنر. بو قايدا، آزربايجان توركجهسينده يوخدور.
links for 2007-09-10 « تورک دونیاسی Türk Dünyası گفت,
سپتامبر 10, 2007 @ 12:22 ب.ظ
[...] ای-کیتاب مکانلاری! پدف كيتاب موطلقا اؤز كيتابين يئرينی وئرمز؛ آمما توركچه ائ-کیتاب سيتهلرين آدرئسلري كيتاب آختارانلار اوچون چوخ اؤنملیدیر (tags: Kitab/Dərgi/Sayt-Tanıtımı) [...]